اسلام آباد ۔ 19 نومبر (اے پی پی) قومی احتساب بیورو دے چیئرمین جسٹس (ر) جاوید قبال دی زیر صدارت اجلاس نیب ہیڈکوارٹرز اچ تھیا جیں اچ نیب دے آپریشن ڈویژن اتے بئے سینئر افسراں شرکت کیتی ، نیب دے سارے علاقلائی بیوروز دے ڈائریکٹر جنرل ویڈیو لنک دے ذریعے اجلاس اچ شرکت کیتی ۔ اجلاس اچ کرپشن دے 179 وڈے مقدمیں تے ہنڑ تئیں پیشرفت دا جائزہ گھدا گیا ۔ اجلاس کو ں ڈسایا گیا جو چیئر مین نیب دی ہدایت تے 179 میگا کرپشن دے مقدمیں اچوں105 مقدمیں کوں منطقی انجام تئیں پجیندے ہوئیں قانون دے مطابق بدعنوانی دے ریفرنس احتساب عدالتاں اچ جمع کرائے گن جیرھے جو زیر سماعت ہن۔15 مقدمے انکوائری اتے 19 مقدمے انوسٹی گیشن دے مرحلے اچ ہن جیں تے قانون دے مطابق کاروائی جاری اے ،40مقدمیں کوں قانون دے مطابق نبیڑ ڈتا گے ۔چیئر مین نیب آکھیے جو کرپشن دے وڈے مقدمیں کوں منطقی انجام تئیں پجاونڑ نیب دی پہلی ترجیح اے ۔اے امر بے جا نہ ہوسی جو نیب دا ہر کیس میگا کرپشن دے زمرے اچ آندے جڈاں جو او کیش جیں اچ کرپشن گھٹ ہوندی اے او نیب متعلقہ صوبائی اینٹی کرپشن اسٹیبلشمنٹسکوں پٹھ ڈیندے ۔انہاں آکھیا نیب گزریل ہک سال دے دوران 503 لوکاں کوں گرفتار کرنڑ دے علاوہ 440لوکاں دے خلاف بد عنوانی دے ریفرنس عدالتاں اچ دائر کیتے گن جیرھے جو پہلے کہیں ہک سال اچ نیب اتنے بد عنوانی دے ریفرنس منطقی انجام تئیں کائنی پجائے تے متعلقہ احتساب عدالتاں اچ ہک سال دے اندر اتنے بد عنوانی دے ریفرنس دائر کائنی کیتے گے ۔انہاں آکھیا جو نیب 1206 بدعنوانی دے ریفرنس اوںوقت مختلف معزز احتساب عدالتاں اچ زیر سماعت ہن جیں دی مالیت تقریباً 900 ارب روپے ہے۔ نیب انہاں دی وختی سماعت سانگے درخواستاں متعلقہ معزز احتساب عدالتاں اچ دائرکریندا پئے ۔ نیب گزریل ہک سال دے دوران بلاامتیاز کارروائیاں کریندے ہوئیں 1713 شکایات دی جانچ پڑتال، 877 انکوائریاں اتے 227 انوسٹی گیشنز دی منظوری ڈتی۔ ایندے علاوہ نیب وائٹ کالر مقدمیں کوں چھیکڑی انجام تئیں پجاونڑ سانگے 10مہینے دا وقت مقرر کیتے جیرھا جو کہیں وی ڈوجھے اینٹی کرپشن دے ادارے مختص کائنی کیتا کیوں جو وائٹ کالر مقدمیں دی تحقیقات سالہاسال تئیں چلدیاں رہ ویندن مگر نیب وائٹ کالر دے میگا کرپشن دےے مقدمیں کوں منطقی انجام تئیں پجاونڑ سانگے سائنسی بنیاداں تے نہ صرف تحقیقات سانگے 10 مہینے دا وقت مقرر کیتے بلکہ اسلام آباد اچ اسٹیٹ آف دی آرٹ فرانزک لیبارٹری قائم کیتی اے جیں نال دستاویزات دی تصدیق، موبائل ڈیٹا، فنگر پرنٹس دی شناخت دی وجہ توں میگا کرپشن دے مقدمیں اچ پکے شواہد دے حصول اچ مدد ملدی اے ۔
قومی احتساب بیورو دے چیئرمین دی زیر صدارت اجلاس،کرپشن دے وڈے مقدمیں کوں منطقی انجام تئیں پجاونڑ نیب دی پہلی ترجیح اے ، چیئرمین نیب جسٹس (ر) جاوید قبال دا اجلاس نال خطاب
اسلام آباد ۔ 19 نومبر (اے پی پی) قومی احتساب بیورو دے چیئرمین جسٹس (ر) جاوید قبال دی زیر صدارت اجلاس نیب ہیڈکوارٹرز اچ...
مضمون کا ماخذ : پاور بال کا ٹکٹ
