اسلام آباد۔8اپریل(اے پی پی) وفاقی وزیر داخلہ محسن نقوی نال نویں تعینات ڈی جی ایف آئی اے رفعت مختار راجہ اتے نویں تعینات ڈائریکٹر جنرل نیشنل سائبر کرائم انویسٹی گیشن ایجنسی وقار الدین سید ملاقات کیتی۔ ملاقات اچ غیر قانونی امیگریشن دے خلاف موثر حکمت عملی تیار کرݨ تے سائبر کرائمز روکݨ دا ٹاسک ݙتا ڳئے ۔ وزیرمملکت داخلہ طلال چوہدری اتے وفاقی سیکرٹری داخلہ محمد خرم آغا وی ایں موقع ??ے موجود ہن ۔ وزیر داخلہ محسن نقوی ایف آئی اے کوں حکم ݙتے جو او انسانی سمگلنگ اچ ملوث مافیا دے خلاف ملک اچ موثر کریک ڈاؤن کریسن ۔ انسانی سمگلنگ روکݨ سانڳےچارے صوبیں اچ بلا امتیاز کارروائی عمل اچ گھن آئی ونڄے ، ایں مافیا توں اوکھے ہتھاں نال نبڑیا ویسی ۔ انہاں مکروہ دھندے اچ ملوث لوک نشوم لوکاں دی جاناں نال کھیݙدے پئن ۔ وزیر مملکت داخلہ طلال چوہدری آکھیے انسانی سمگلرز کہیں رعایت دے مستح?? کائنی۔وزیر داخلہ محسن نقوی آکھیے ایف آئی اے سودھے سارے قانون نافذ کرݨ آلے اداریں کوں ملک توں غیر قانونی سپیکٹرم اتے منظم جرائم مکاوݨ سانڳے رل تے کم کرݨا ہوسی ۔ انہاں آکھیے سائبر سیکیورٹی ھک نواں چیلنج اے۔این سی سی آئی اے دی استعدادکارودھائی ویسی تے افسراں کوں تربیت سانڳے ٻاہرلے ملکاں اچ بھجوایا ویسی۔
وفاقی وزیر داخلہ نال نویں ڈی جی ایف آئی اے تے ڈائریکٹر جنرل نیشنل سائبر کرائم انویسٹی گیشن ایجنسی دی ملاقات
اسلام آباد۔8اپریل(اے پی پی) وفاقی وزیر داخلہ محسن نقوی نال نویں تعینات ڈی جی ایف آئی اے رفعت مختار راجہ اتے نویں...
مضمون کا ماخذ : dupla sena acumulada
